Դերսու Ուզալա
Անվան այլ կիրառումների համար տե՛ս՝ Դերսու Ուզալա (այլ կիրառումներ)
| Դերսու Ուզալա | |
|---|---|
 | |
| Ծնվել է | 1849 |
| Ծննդավայր | Ussuri krai, Ռուսաստան |
| Մահացել է | մարտի 13, 1908 |
| Մահվան վայր | Խաբարովսկի երկրամաս, ԽՍՀՄ |
| Կրոն | անիմիզմ |
| Մասնագիտություն | ճանապարհորդ հետազոտող և որսորդ |
 Dersu Uzala Վիքիպահեստում | |
Դերսու Ուզալա (1849, Ussuri krai, Ռուսաստան - մարտի 13, 1908, Խաբարովսկի երկրամաս, ԽՍՀՄ), նանայացի որսորդ, ողջ կյանքը ապրել է տայգայում։ Կնոջ և երեխաների մահից հետո ապրել է բաց երկնքի տակ և միայն ձմռանը ժամանակավոր յուրտ է սարքել։ Վլադիմիր Արսենևի «Դերսու Ուզալա» և «Ուսուրական երկրամասում» վեպերի հերոսն է։
Կենսագրություն
[խմբագրել | խմբագրել կոդը]Դերսու Ուզալան ծնվել է Ուսուրական երկրամասում։ Նրա ծննդյան ճշգրիտ ամսաթիվն անհայտ է։ Ջրծաղիկի համաճարակի պատճառով կորցրել է ողջ ընտանիքը։ Ուսուրի գետի հովտում թափառելով զբաղվել է մորթատու կենդանիների որսով։
1906 թվականից, որպես ուղեցույց մասնակցել է հայտնի ռուս ճանապարհորդ, գրող, հետախույզ Վլադիմիր Արսենևի գլխավորությամբ արշավախմբերի[1]։
Մահացել է ավազակային հարձակման արդյունքում, 1908 թվականի մարտի 13-ին Կորֆովսկայա երկաթուղային կայարանի մոտակայքում[2]։
Հիշատակ
[խմբագրել | խմբագրել կոդը]Վլադիմիր Արսենևի գրքի հիման վրա երկու ֆիլմ է նկարահանվել։ 1961 թվականինին ռեժիսոր Աղասի Բաբայանը նկարել է Դերսու Ուզալայի մասին առաջին կինոնկարը, որտեղ Կասիմ Ժակիբաևը խաղացել է Ուզալայի դերը։ Երկրորդ ֆիլմը նկարահանել է Ակիրա Կուրոսավան 1975 թվականինին։ Ուզալայի կերպարն էկրանավորել է Մաքսիմ Մունցուկը։ Ֆիլմը Մոսկվայի 9-րդ միջազգային կինոփառատոնում նվաճել է «Ոսկե մրցանակ» և «FIPRESCI» մրցանակներ[3],իսկ 1976 թվականին արժանացել է «Օսկար» մրցանակի՝ որպես լավագույն օտարալեզու կինոնկար[4]։
1981 թվականին հայտնաբերված Մարսի ուղեծիրը հատող աստերոիդների խմբի աստերոիդներից մեկը անվանվել է ի պատիվ Դերսու Ուզալայի[5]։
Ծանոթագրություններ
[խմբագրել | խմբագրել կոդը]- ↑ David Prynn and G. H. Harper: Amur Tiger. G H Harper, 2004, 978-0953299034, page 11
- ↑ Дерсу Узала. Сквозь тайгу Издательство: Терра - Книжный клуб (1997) Н. Е. Кабанова (ed.) ISBN 9785300010973
- ↑ «9th Moscow International Film Festival (1975)». MIFF. Արխիվացված է օրիգինալից 2013 թ․ հունվարի 16-ին. Վերցված է 2014 թ․ հունիսի 15-ին.
- ↑ «The 48th Academy Awards (1976) Nominees and Winners». oscars.org. Վերցված է 2014 թ․ հունիսի 15-ին.
- ↑ «IAU Minor Planet Center». www.minorplanetcenter.net. Վերցված է 2020 թ․ օգոստոսի 2-ին.
 | Վիքիպահեստն ունի նյութեր, որոնք վերաբերում են «Դերսու Ուզալա» հոդվածին։ |
|
